Младите и нивното образование остануваат во фокусот на Дрекслмајер. Компанијата продолжува со својата пракса и повторно поддржа дел од најдобрите студенти од техничките факултети при Универзитетите „Св. Климент Охридски“ – Битола, „Св. Кирил и Методиј“ - Скопје и Универзитет „Гоце Делчев“ – Штип. Годинава, стипендии добија десет студенти од техничките факултети кои се четврта година и ги исполнија критериумите на Дрекслмајер.

Утре, со почеток од 13 часот, во Галеријата при Домот на културата “Иван Мазов - Климе“ Кавадарци ќе се одржи промоција на Романот на годината “Одбројување“ на Фросина Пармаковска.

По повод завршувањето на уште една и повеќе од успешна година и уште една танцова сезона која ја одбележаа бројни награди и признанија, балетското студио „Венус“ Ве поканува да присутствувате на традиционалните годишни концерти!

Трета година по ред, тиквешките точакџии заедно со сите свои пријатели, соработници, партнери и спонзори, не само што беа одлични организатори, приредувајќи одлична програма и бројни активности, награди и забава, туку ја презентираа во целост кавадаречката гостопримливост, нешто што со векови е белег на кавадарчани.