„Ќе играме офанзивно. Ни требаат и голови и бодови против Ирска за да се приближиме до местото што води во баражот за настап на следното Европско првенство“, изјави денеска селекторот на Македонската фудбалска репрезентација Мирсад Јонуз. Според него, саботниот натпревар е важен за двете репрезентации и поради тоа нема потреба од тактизирање во играта.

Српскиот тенисер Новак Ѓоковиќ ја продолжи победничката серија од стартот на сезоната. Вториот светски тениски рекет ја забележа 37. победа во низа откако по четврти пат сезонава во едно финале, овој пат на мастерс турнирот во Рим, го совлада кралот на земјените терени, Шпанецот Рафаел Надал со 6:4, 6:4 и се закити со седмата титула по ред сезонава. Надал и овојпат, по поразите на турнирите во Индијан Велс, Мајами и Мадрид, не успеа да го пронајде лекот за комплексот Ѓоќовиќ.

Може ли Реал Мадрид да победи барем со 2-0 на стадионот на кој на крајот од 2010 во првото сезонско Ел- класико загуби со 5-0. Спектаклот вечерва сигурно ќе биде далеку од Каталонија. Многу фактори влијаат на тоа четвртиот супер дерби во последните 18 дена меѓу Барселона и Реал М. да биде лишен од резултатската неизвесност. Можеби оваа констатација е прерана, сепак убеден сум во едно, многу малку луѓе во Европа веруваат дека Реал Мадрид може да стигне до големото финале од Лигата на шампионите, по минатонеделниот пораз на Сантијаго Бернабеу од најголемиот ривал Барселона од 2-0.