Генерациската блискост со Милан Левов ми овозможи да го следам целиот негов досегашен тек на кариерата, почнувајќи од првите настапи во дресот на Винарска Визба Тиквеш, учеството на светското јуниорско првенство во Охрид, трансферот во Саудиска Арабија, враќањето во Кавадарци, првите натпревари во Лигата на шампиони во ракомет во дресот на Вардар Про, сензационалниот трансфер во Металург кој сеуште е рекорден во Македонија, настапите во сениорскиот репрезентативен дрес на Македонија... Иако за сите гореспоменати делови од кариерата на Левов можевме да правиме по едно интервју, сепак за прв пат во овие речиси пет години од постоењето на www.kavadar4e.com конечно успеавме двајцата да пронајдеме малку слободно време во набиените агенди, па оддамна ветуваниот краток разговор, се претвори во едно убаво попладневно дружење во кое Милан одговараше на нашите прашања за неговата ракометна кариера, но и за животот на еден професионален ракометар, неговата приватност, поддршката од најблиските, како и за неговите идоли, омилени приказни и уште многу други интересни работи.

Ванче Шиков одамна го заслужи местото во градската спортска историја, но на страницата посветена за него има сеуште доволно простор за да се запишат уште многу успеси. Земајќи му мал дел од неговото ретко слободно време поминато во родното Кавадарци, во новогодишното интервју за www.kavadar4e.com Шиков одговараше на прашањата за текот на неговата кариера, трансферите, настапите во украинскиот Волин, но и за помошта на фудбалскиот клуб Тиквеш, дружењето со Лозари и за уште многу, многу интересни работи...