Неговиот талент за глума е неоспорив, го сака театарот повеќе од се, пишува љубовни текстови, го слуша Балашевиќ, излегува во Pub Blue... Зборуваме за Диме Боцев, или ако повеќе сакате слугата Спиро од последното театарско остварување на актерската екипа на Диме Коцевски, комедијата „Газда Страшо“, млад човек со голем театарски стаж, кој случајно или не живее на Ќиро Крстев во Кавадарци... Во еден исклучително интересен разговор, Диме ни открива многу детали за претставата „Газда Страшо“, за неговите театарски почетоци, разговорите со дедо му Васо Ангелов и уште многу, многу занимливи работи кои ќе ги прочитате во ова интервју.

Комуникацијата Кавадарци - Холандија и покрај многуте социјални мрежи ни одеше малку тешко, па со Лазе Попов, или ако повеќе сакате Лозарот, решивме договореното интервју да го направиме на домашен терен, во Кавадарци. А подомашен терен од Дома Кафе неможе да има, па во нашето веќе стално прибежиште, со сладолед и кафе во рака разговаравме за ракометната кариера на Лозарот, играњето во Црна Гора, Косово, Македонија, Холандија, работата во младинските школи, но и за ракометот во Кавадарци, за неговите светли денови, но и за денешната ситуација која е далеку од розова.

Музичарите и актерите секогаш се одлични соговорници, а кога овие две професии ќе ги најдете споени во еден човек, и на тоа ќе додадете 25 години работно искуство, исполнети со многу настани и личности, е тогаш разговорот буквално нема крај. Со Пепи Ангелов можевме да разговараме уште неколку часови, или денови, но за да оставиме простор за некоја наша идна средба, решивме во ова интервју да зборуваме за неговите почетоци, за текот на неговата кариера, за состојбата во музиката, за губењето на рок културата и почеткот на турбо фолкот, но и за фудбалот, книгите, и доживувањата во семејството Ангелови во време на златните години на Тиквешкиот гроздобер...

Биографијата на кавадаречкиот актер Александар Малинков е импозантна. Бројките се најмерливиот показател за неговата успешност, истите тие бројки кои покажуваат дека Александар Малинков годинава го слави својот јубелеј, 25 години од својата прва претстава. Токму по повод јубилејот на кавадаречкиот актер и режисер, на неколку денови пред премиерата на неговото ново актерско и режисерско остварување, претставата „Дупло Дно“ на текст од Горан Стефановски беше главна причина да го направиме ова интервју, неиспуштајќи ја шансата да го прашаме и за годините поминати на факултетот за драмски уметности, моментите во славното бифе на истиот факултет, за театарските претстави....