300 Сервирани dRNCh! „порции“ на Галакси Радио за нешто повеќе од пет години беа доволна причина да разговараме со главниот „кувар“, Лазар Петров или ако повеќе сакате DJ Lako, кој меѓу другото зборуваше за „гладта“ на слушателите, „состојките“и за кој се го „зачини“ култниот „радио оброк“.

Ако добро ги следите натпреварите на Фени Индустри, ќе забележите дека пред почетокот и по завршувањето на секој натпревар Јован Марковски се поздравува со децата со посебни потреби. Неговата почит кон луѓето кои ние речиси и да не ги забележуваме го прави голем во нашите очи, иако ништо помал не е ефектот и од неговата игра, пред се затоа што е најзаслужниот што Фени минатата сезона обезбеди опстанок во прволигашкото друштво и сезонава има можност да се бори за пласман во финалето. Токму во оваа насока се движеше и нашиот разговор со кој го најавувме полуфиналниот дуел со МЗТ Скопје.

Победничкиот жар во очите, мотивацијата и гладта за победа кои ги поседува Тони Симиќ ги прават триесет и осумте години само обични бројки. Желен за нови триумфи, Симиќ кој сезонава прв пат настапува за тим надвор од главниот град на земјата, верува дека овој тим има големи шанси да се пласира во финалето од македонското првенство, а во него шансите се еднакви.

Иако сеуште го нема кажано последниот збор на кошаркарските терени, Бошко Јововиќ со право го носи епитетот на икона на кошаркарскиот клуб Фени Индустри. Миленикот на публиката во Јасмин и кавадаречката публика не крие колку го сака тимот во кој остави длабок печат учествувајќи во сите негови големи успеси, но и градот кој го чуствува како свој дом. Токму за овие работи, но и за големата победа над Карпош Соколи на гости која го става Фени во добра позиција пред продолжетокот на плеј оф трката зборувавме со Бошко Јововиќ во најновото интервју кое по традиција го правевме во Тајм Аут.