На Џенифер Анистон конечно и' тргна во љубовта и таа моментно е тема број еден во светските медиуми зашто се шушка дека добила свршенички прстен од своето момче Џастин Теру.

Според британски "Дејли мејл", минатиот викенд двајцата биле забележани на улиците на Њујорк, а на рацете имале идентични златни прстени. Фотографиите на папараците покажале дека на прстените се изгравирани нивните имиња. Шпекулациите дека тие наскоро ќе ги разменат брачните заклетви ги потврдија и нивни блиски пријатели, кои тврдат дека Џастин се вселил во вилата на Џенифер.

По дебаклот со седумгодишниот брак со Бред Пит и листата со бивши партнери на која во меѓувреме постојано допишуваше нови цртички, изгледа Џенифер на крајот се смири покрај три години помладиот Џастин.