Со премиерата на „Збунета бајка“ на Реплика Прва, одбележан вториот роденден на „Максима Еду“ PDF Печати Е-пошта
Напишано од Unevski on Сабота, 12 Мај 2018 08:18   

 

Кога ќе се спојат два успешни проекти, кога ќе се соединат ентузијазмот и посветеноста кон пренесувањето на знаење на децата на две школи кои иако сосема различни во она што го работат, го имаат истиот, оној неформалниот, пријателски пристап, кој можеби е вистинскиот за да се допре до децата, и кога сето тоа има двојна причина, најпрво роденденската за одбележување две, и повеќе од успешни години на центарот за странски јазици „Максима Еду“, и првата премиера на малата група од школата за театар „Реплика Прва“, тогаш успехот е неминлив.


Како и минатата, така и годинава, роденденската прослава започна од пред центарот за странски јазици „Максима Еду“, од каде децата во придружба на своите наставнички, но и родители се упатија на градскиот плоштад, на дружба со градскиот кловн Панчелито, а откако со песна ги испратија балоните кон небото, се упатија во Домот на културата „Иван Мазов - Климе“.



 

Наместо страв и трема, преполното гледилиште беше дополнителен мотив на сите млади актери кои максимално одговорија на улогите кои им ги довери режисерот и раководител на школата за театар, Диме Коцевски, па во речиси еден час колку што поминаа на сцената измамија бројни аплаузи, насмевки и по некоја скриена солза од најемотивните.

 


По првото поклонување на младите актери од „штиците што живот значат“, следуваа наградите за најсреќните ученици од „Максима Еду“, кои дома си понесоа мобилни телефони, паметни часовници, годишни курсеви и книги за цела наставна година, за крај, роденденот да заврши со коктел забава на која во центарот на вниманието повторно беше чоколадната фонтана.

 

 

Бројните изненадувања за сите ученици на центарот за странски јазици „Максима Еду“ продолжуваат и во деновите на финализирање на годишните курсеви, додека пак актерите од „Реплика Прва“ ќе Ве чекаат во Домот на културата „Иван Мазов - Климе“ веќе во вторник, за кога се закажани првите две репризи од „Збунета бајка“.

 

 




 
Get Adobe Flash player
Сите права се задржани - Copyright © www.kavadar4e.com - Designed by Mitrov