Општинската администрација го чистеше Кавадарци PDF Печати Е-пошта
Напишано од Unevski on Сабота, 05 Мај 2018 08:59   

 

Градоначалникот Митко Јанчев, советниците од Советот на општина Кавадарци, вработените во општината и институциите под општинска капа се вклучија во еколошката акција која изутринава се спроведуваше на територијата на општина Кавадараци.


- Во Кавадарци подолго време се работи за почист и поубав град. Очигледно е дека општината оди на повисоко ниво во делот на хигиената и во делот на секојдневното функционирање. Заедно со вработените во сите јавни институции што се на општинско ниво, на чело со нивните раководители, организиравме и направивме едно генерално чистење на градот на повеќе јавни површини. Со оваа акција сакаме да ја подигнеме еколошката свест како кај вработените во општината и општинските институции, така и кај целокупното население, рече градоначалникот Јанчев.


Тој најави дека е можно ваквата акција за чисто Кавадарци да стане пракса која би се практикувала два пати годишно.


Кавадарчани задоволни од поголемата грижа за екологијата во последно време, не го криеја задоволството од една ваква акција, која, како што изјавија некои од нив, дополнително треба да ја подигне еколошката свест во општината.


Се чистеше на 15 локации, а за отстранувањето на вреќите собран отпад, се погрижи Јавното претпријатие „Комуналец“, чии вработени исто така се вклучија во акцијата, заедно со вработени во противпожарната служба, спортската сала „Јасмин“, Домот на културата и градскиот музеј.

 




 
Get Adobe Flash player
Сите права се задржани - Copyright © www.kavadar4e.com - Designed by Mitrov