Полуфиналниот натпревар од Лигата на шампионите помеѓу Атлетико Мадрид и Баерн Минхен ќе ги обедини фановите на баварскиот клуб од цела Македонија кои заеднички ќе го проследат натпреварот и ќе му дадат поддршка на својот омилен клуб.

Фудбалското дружење закажано за вечерва во Кавадарци е само продолжение на активностите на членовите на фан клубот на Баерн Минхен во Македонија, кои слични вакви активности реализираа и во други градови од земјата.

Според предвиденото, дружењето ќе започне во 18 часот во кафе бар „37“, а ќе продолжи во ресторан „Кино-бавча“, каде што и ќе се следи натпреварот.