Македонската фудбалска репрезентацаија остана на 138 место и по денешното рангирање на ФИФА.

Во периодот од претходниот ранкинг немаше активости на терен за сениорите. Од противниците на Македонија во квалификациите за СП во 2018, највисоко котира Шпанија која е трета, Италија е 15-сетта, Албанија на 36-то место, Израел е 73-ти, а Лихтенштајн е на 165 позиција.

Нема промени на врвот од ранг листата. Лидер е Белгија пред Аргентина и Шпанија. Во најдобрите десет се и Германија, Чиле, Бразил, Португалија, Колумбија, Англија и Австрија.

Во наредниот период Македонија предводена од селекторот Игор Ангеловски ќе има два пријателски меча во месец март, против селекциите на Словенија и на Бугарија.