Кавадаречките фудбалски гордости, Ванче Шиков, Даниел Мојсов и Мики Петровиќ одиграа уште еден одличен натпревар во дресот на македонската репрезентација, и беа меѓу најзаслужните за високиот триумф од 4-1 во пријателскиот натпревар со Црна Гора.

Двајцата високи стопери, Шиков и Мојсов беа стартери кај новиот селектор Игор Ангеловски, а тоа им овозможи уште еднаш да покажат дека се извореден дефанзивен тандем, кој може да се справи со сечија навална линија. Од друга страна, нивното присуство на теренот е важно и при секоја уфрлена топка од аголот или по прекин, факт кој и синоќа го потврди Шиков кој одлично се снајде во противничкиот шеснаестерец и со својот четври гол во репрезентативниот дрес ја најави победата.

Кавадаречкото трио на теренот го комплетираше Петровиќ кој во 57мата минута го замени Тричковски.