Даниел Мојсов сепак следната сезона ќе игра во второлигашка конкуренцијата, но не во белигската, туку во турската, откако денес македонскиот репрезентативен стопер стави потпис на двегодишниот договор со турскиот второлигаш Адана Демирспор.

Иако се поврзуваше со неколку екипи, сепак пресудно за Мојсов да се пресели во турскиот второлигаш била организациската поставеност и актуелниот состав на тимот на Адана Демирспор.

Адана е седми клуб во кариерата на Мојсов која стартуваше од кавадаречки Тиквеш, а продолжи во Македонија Ѓорче Петров, Вардар, Војводина од Нови Сад, норвешки Бран и белгиски Лирс.