Легендарниот бразилски фудбалер Ривалдо на изненадување на домашната јавност за главни фаворити за освојување на претстојниот Мундијал ги смета Шпанија и Аргентина, а не неговата репрезентација која е домаќин на шампионатот.

„На светското првенство ќе се појават репрезентации од осум земји кои до сега биле светски шампиони во минатото и сите тие го заслужуваат мојот респект. Сепак јас како главни фаворити за освојување на трофејот би ги издвоил Шпанија и Аргентина, додека потенцијал за изненадување има и Португалија“ - истакна поранешниот бразилски репрезентативец.

Светското првенство почнува на 12 јуни во Сао Паоло со натпреварот Бразил – Хрватска.