Претставникот на Ерменија на овогодишната Евровизија би можел да ја однесе победата ако се суди според тоа како котира во обложувалниците.

Ерменецот Aram MP3, односно Арам Саргсјан на годинашното издание на Евросонгот кое ќе се одржи во Копенхаген ќе ја изведе песната „Not alone“. Овој 29-годишник освен со пеење, се занимава уште и со глума и станд-ап комедија.

Кога се во прашање претставниците од нашиот регион, обложувалниците не им даваат големи шанси. Сите се сместени после 25-то место. Македонија ја претставува Тијана Дапчевиќ со песната „To the Sky“, Црна Гора ја претставува Сергеј Четковиќ со песната „Мој свет“, додека Србија, Хрватска и Босна и Херцеговина оваа година нема да учествуваат на Евровизија.