По повеќе од шест години од трагичната смрт на легендарниот Тоше Проески, публиката ќе има можност да слушне нови, досега необјавени песни.

Неговиот зет Славен Ристески и продуцентот Енди Рајт собрале шест песни од разни европски студија во кои снимал Тоше, а ќе ги објават во рамките на вториот постхумен албум чие излегување се очекува на пролет.

„Завршивме со продукцијата на три песни, а се што ќе биде заработено од неговиот постхумен албум ќе биде вложено во другите”, изјави Ристески.

Тој додаде дека луѓето кои имале шанса да ги слушнат недовршените песни биле воодушевени и верува дека публиката ќе ги прифати убаво.